१२ फागुनमा दमौलीमा आयोजित पत्रकार सम्मेलनमा बोल्दै पौडेलले आफुहरुमाथि माओवादीको एजेन्डामा हिंडेको भनी लाग्ने आरोपको खण्डन गर्दै प्रधानन्यायाधीश खिलराज रेग्मीको नेतृत्वमा चुनावी सरकार गठन गर्ने एमाओवादीको एजेन्डा नभई राष्ट्रपति रामवरण यादवले दलहरुसंग छलफल गरेर ल्याएको प्रस्ताव भएको दाबी गरेका छन् ।

उनले अहिले सबैले यो प्रस्तावको विरोध गरेपनि निकास भने कसैले दिन नसकेको आरोप लगाउँदै अगाडि भने, “अत्तो थाप्ने काम सबैले गर्नसक्छ तर, निकास दिनसक्नु मात्र सही नेतृत्व हुन्छ ।”

अहिलेको संकटको संवैधानिक निकास नभएको उल्लेख गर्दै उनले अन्तरिम संविधानको धारा ४३ लाई टेकेर राष्ट्रिय सहमति गर्नु नै एकमात्र विकल्प भएकाले यसैको आधारमा प्रधानन्यायाधिशको नेतृत्वको प्रस्ताव गरिएको बताएका थिए ।

पवन पौडेल, तनहुँ

प्रतिकृया दिनुहोस