स्वतन्त्र न्यायालयप्रति नै गम्भिर अनास्था सृजना हुने गरी प्रधानन्याधीशलाई सरकारको नेतृत्व दिन लागेको भन्दै अभियानले १९ फागुन विहान ११ बजे काठमाडौं, रत्नपार्कमा विरोध कार्यक्रम आयोजना गरेको हो । अभियानका तर्फबाट १८ फागुनमा डा. केदार नरसिंह केसी, शम्भु थापा, मुमाराम खनालद्वारा हस्ताक्षरित विज्ञप्तिमा भनिएको छ, “संविधान, लोकतन्त्र र राजनैतिक नैतिकता कै खिलाफमा हुनेगरी निर्वाचन गराउने नाममा नयाँ सरकार गठन गर्नका लागि थालिएको वर्तमान प्रक्रियाप्रति हाम्रो गम्भिर आपत्ति छ ।”

लोकतन्त्र, कानुनी राज्य, स्वतन्त्र न्यायपालिका, शक्तिपृथकीकरणको सिद्धान्त र समग्र संविधानवादलाई वेवास्ता गरेर निर्वाचन गरिए त्यसलाई आफूहरूले अस्विकार गर्ने अभियानको ठहर छ । विज्ञप्तिमा भनिएको छ, “निर्वाचनको नाममा गैर–संवैधानिक र नाजायज साधनको प्रयोग कुनै पनि हालतमा स्विकार्य हुन सक्तैन ।”

प्रतिकृया दिनुहोस