युद्ध अपराधको अभियोगमा झण्डै दुई महिनादेखि लण्डनको बेलमार्स कारागारमा थुनामा रहेका कर्णेल लामालाई १० हजार पाउण्ड धरौटीमा रिहा गर्न अदालतले आदेश दिएको छ ।

जमानत आवेदनमाथि सुनुवाई हुँदा लामालाई धरौटीमा रिहा गर्ने आदेश दिएको र अब उनी तीन दिनभित्र रिहा हुने बेलायतस्थित नेपाली राजदूत सुरेशचन्द्र चालिसेले जानकारी दिएका छन् ।

यसअघि जमानतका लागि दिएको निवेदन अदालतले अस्वीकार गरेको थियो । धरौटीमा रिहा भए पनि लामाले तुरुन्तै बेलायत छोड्न भने पाउने छैनन् ।

सुडानस्थित राष्ट्रसंघीय मिसनमा खटिएका नेपाली सेनाका कर्णेल (महासेनानी) कुमार लामालाई बेलायतमा रहेकी पत्नी भेट्न गएका बेला १९ पुसमा त्यहाँको प्रहरीले पक्राउ गरी युद्ध अपराधसम्बन्धी मुद्दा चलाएको छ ।

उनलाई सन् २००५ मा गोह्रुसिंगे ब्यारेकमा छँदा दुई जना बन्दीलाई यातना दिएको अभियोग लगाइएको छ ।

प्रतिकृया दिनुहोस