१९ फागुनमा दमौलीमा आयोजित पत्रकार सम्मेलनमा बोल्दै उनले चार शक्तिका नाममा हुनेगरेका सहमति आफूहरुले नमान्ने भन्दै आफुहरुलाई बाहेक गरे देशमा चुनाव समेत हुन नसक्ने बताए ।

“प्रधानन्यायाधिशलाई प्रधानमन्त्री बनाउने कदम पुर्णतः अराजनीतिक कदम हो,” चन्दले भने, “राजनीतिक मुद्दाको समाधान राजनीतिक नेतृत्वबाटै हुनुपर्छ ।”

विद्यमान राजनीतिक संकट समाधानका लागि आफुहरुलाई समावेश नगराए युद्ध गर्ने चेतावनी समेत उनले दिएका छन् ।

दलहरुबीच भएको सहमतिको विरोध गरेका चन्दले प्रधानन्यायाधीशको नेतृत्वमा चुनाव भए पार्टी सहभागी हुन्छ कि हुँदैन भनी सोधेको प्रश्नको जवाफ उनले प्रष्ट रुपमा भने दिएनन् । उनले भने, “मुलुकलाई संकट निकास दिने प्रक्रियामा हामीलाई पनि सहभागी गराए चुनाव हुनसक्छ ।”

पवन पौडेल, तनहुँ

प्रतिकृया दिनुहोस