२० फागुन साँझ झापाको दमकमा पार्टी नगर समितीको भबन उद्घाटन गर्दै सभापति कोइरालाले यस अघि भएका सबै सहमतिलाई लत्याउँदै केही मधेशकेन्द्रित दलहरुको आडमा एमाओवादीले सर्बसत्तावाद तर्फको यात्रा शुरु गरेको आरोप लगाए ।

कोइरालाले एमाओवादी नेतृत्वको वर्तमान सरकारले राज्यका संयन्त्रहरुलाई कार्यकर्ता भर्ती केन्द्र बनाएर राज्यमाथि लुट मच्चाएको दाबी पनि गरे ।

कार्यक्रममा बोल्दै कांग्रेस महामन्त्री कृष्ण सिटौलाले माओवादी मुखले संघीयताको कुरा गरे पनि संबिधान बन्न नदिएर संघीयताबिरोधी चरित्र देखाएको बताए । उनले लोकतन्त्रप्रति प्रतिबद्ध नभएको एमाओवादी र सत्ता भनेपछि मरिहत्ते गर्ने केहि मधेशकेन्द्रीत दलहरुका कारण संबिधान नबनेको दोहोर्‍याए ।

२०५३ सालमा तात्कालिन कांग्रेस सभापती गिरिजाप्रसाद कोइरालाले शिलान्यास गरेको कांग्रेस दमक नगर समितीको भवन १६ बर्षपछि ३५ लाखको लागतमा निर्माण सम्पन्न भएको हो
गोपाल गडतौला, झापा

प्रतिकृया दिनुहोस