३० फागुनदेखि काठमाडौंमा शुरु हुने भनिएको बैठकमा भारतीय पक्षले आन्तरिक कारण देखाउँदै बैठकमा भाग लिन असमर्थ भएको जानकारी दिएपछि बैठक अनिश्चित भएको गृह मन्त्रालयका प्रवक्ता शङ्कर कोइरालाले जानकारी दिए ।

कोइरालाका अनुसार बैठकको सम्पूर्ण तयारी पूरा भइसकेको थियो ।

बैठकमा नेपाल भारतबीचको सुरक्षा सरोकार, सीमा सुरक्षा, अपराध नियन्त्रणका विषयमा छलफल हुने बताइएको थियो ।

त्यस्तै बैठकमा भारतका तर्फबाट दुईपक्षीय सुपुर्दगी सन्धिका विषयमा एजेण्डा उठाउने तयारी थियो भने विगतका बैठकमा भएका सहमतिको समीक्षा प्रहरी प्रशिक्षण प्रतिष्ठान निर्माण, गृह मन्त्रालय र मातहतका नेपाल प्रहरी, सशस्त्र प्रहरी बल र राष्ट्रिय अनुसन्धान विभागका कर्मचारीको क्षमता अभिवृद्धिलगायत विषयमा पनि छलफल हुने भनिएको थियो ।

प्रतिकृया दिनुहोस