प्रहरीले ५ चैतमा वीरगन्जको घण्टाघर, माइस्थान र आदर्शनगरस्थित स्वीमीङ पुल परिसरबाट ४६ जना बन्दकर्ताहरुलाइ नियन्त्रणमा लिएको प्रहरी उपरिक्षक पिताम्बर अधिकारीले जानकारी दिए ।

“पार्टीको नाममा जनता लाई दुख दिने तथा बजारमा आफनो ग्याङ्ग बलियो देखाउने नियतले बन्द गराउँदै हिंडेकाहरुलाई नियन्त्रणमा लिईएको हो,” उनले भने ।

३ चैतमा घण्टाघर चोकमा दुई समूहबीच भएको झडपमा संलग्न रहेको आरोपमा प्रहरीले शरत् सिंह भण्डारी नेतृत्वको राष्ट्रिय मधेश समाजवादी पार्टीका कार्यकर्ताहरु पप्पु सिंह र पवन गुप्तालाइ नियन्त्रणमा लिएको थियो । सिंह र गुप्ता लगायत ६ जना बिरुद्ध सार्वजनीक अपराध ऐन अन्र्तगत मुद्दा चलाएको प्रहरी उपरीक्षक अधिकारीले बताए ।

वीरगन्ज-३ छपकैयाका गोपाल प्रसाद यादव र उनका भिनाजु जित बहादुर यादवबीच जग्गाको स्वामित्वको विषयलाई लिएर उत्पन्न विवादमा ३ चैतमा दुई समूहबीच झडप भएको थियो ।

प्रहरीले बन्द गराउदै हिडेका प्रदर्शनकारीहरुलाइ व्यापक रुपमा धरपकड गर्न थालेपछि मध्यान्ह देखि वीरगन्ज बजार खुलेको छ ।

अली असगर, वीरगन्ज

प्रतिकृया दिनुहोस