९ चैतमा धनुषाको महेन्द्रनगर पुगेका एमाओवादी अध्यक्ष दाहालले मधेशमा एमाओवादीको विजयी अभियानको शुरुवात भएको भन्दै अगामी निर्वाचनमा विगतको क्षतिको ब्याजसहित असुल उपर गर्ने बताएका छन् ।

धनुषाको सखुवा महेन्द्रनगरमा एमाओवादी धनुषाले आयोजना गरेको कार्यक्रमलाई सम्बोधन गर्दै अध्यक्ष दहालले पहाड र मधेशलाई एक पान आफू मधेशबाट चुनाव लडने समेत घोषणा गरे ।

रामचन्द्र झाले ‘स्टाटस’ खोजे
एमालेबाट दुई दिनअघि राजीनामा गरेका रामचन्द्र झालाई भेट्न एमाओवादी अध्यक्ष दाहाल ९ चैत विहान झा निवास जनकपुर पुगेका थिए ।

दाहालसँगको भेटपछि झाले एमाओवादीमा प्रवेश गर्ने संकेत गर्दै आफ्नो र आफूसहित प्रवेश गर्ने कार्यकर्ताहरुको ‘स्टाटस’ के हुने भन्ने निक्र्यौल नहुँदासमम एमाओवादीमा प्रवेश नगर्ने बताए ।

“मैले पनि वर्षेनी हजारौंलाई टिका लगाइदिएर पार्टी प्रवेश गराउने काम गरेको छु तर, म आफू त्यसरी टिका लगाएर प्रवेश गर्ने छैन,” झाले भने, “एमाओवादीले संस्थागत निर्णय गरी एमालेबाट आउने केन्द्रीय सदस्य र जिल्ला सदस्यहरुको स्टाटस के हुने भन्ने प्रष्ट पार्नुपर्छ ।”
इश्वरचन्द्र झा, जनकपुर

प्रतिकृया दिनुहोस