नेकपा एमाले धवलागिरि अञ्चल सम्पर्क कमिटीद्वारा १० चैतमा काठमाडौंमा आयोजित कार्यक्रममा एमाले नेता केपी ओलीले खिलराज रेग्मीको नेतृत्वमा नयाँ सरकार बनेपछि सत्ताकब्जाको सम्भावना अन्त्य भएको दाबी गरेका छन् ।

“अबको स्थितिमा आन्तरिकरुपमा विभाजित र जनस्तरका खुइलिसकेको एमाओवादीले सत्ताकब्जाको ल्याकत राख्न सक्दैन भन्नेमा हामी ढुक्क छौं,” नेता ओलीले भने । उनले अब एमालेको ध्यान निर्वाचनतिर केन्द्रित भएकाले निर्वाचनबाट सर्वसत्तावादीलाई परास्त गर्नुपर्नेमा जोड दिए ।

अझै पनि कतिपय तत्वहरुले निर्वाचन हुन नदिने र मुलुकलाई विखण्डन र अराजकतामा लैजाने षड्यन्त्र गरिरहेकाले त्यसको विरोधमा सङ्गठित हुन पनि ओलीले कार्यकर्तालाई आग्रह गरेका थिए ।

प्रतिकृया दिनुहोस