दक्षिण दिल्लीको रजोकरी क्षेत्रस्थित एक फार्म हाउसमा बहुजन समाज पार्टीका नेता एवम् ब्यापारी दीपक भारद्वाजको १३ चैत विहान गोली हानी हत्या भएको दिल्ली प्रहरीले जनाएको छ ।

भारद्वाजले सन् २००९ मा बहुजन समाज पार्टीका तर्फबाट संसदको चुनाव लडेका थिए । भारतको निर्वाचन आयोगमा भारद्वाजले बुझाएको सम्पत्ति विवरणमा उनको ६०० करोड रुपैयाँ बराबरको सम्पत्ति भएको बीबीसीले जनाएको छ ।

प्रहरीका अनुसार कारमा आएका आक्रमणकारीहरुले एक्कासी भारद्वाजमाथि गोली वर्षाएका थिए । उनको हत्याबारे प्रहरीले अनुसन्धान गरिरहेको भारतीय सञ्चारमाध्यमहरुले जनाएका छन् ।

प्रतिकृया दिनुहोस