नेकपा एमालेको १४ चैतमा बसेको बैठकले विगतको सरकारले अनियमित तरिकाबाट गरेका सम्पूर्ण नियुक्तिहरु खारेज गरेर निर्वाचनको वातावरण बनाउन सरकारलाई आग्रह गर्ने निर्णय गरेको एमाले महासचिव इश्वर पोखरेलले बताएका छन् ।

त्यसैगरी बैठकले निर्वाचनको तयारीका बारेमा छलफल गर्न २५ चैतमा पोलिटव्युरो र २ वैशाखमा केन्द्रीय कमिटीको बैठक बोलाएको छ । बैठकले निर्वाचनको तयारीका लागि आवश्यक पर्ने सम्पूर्ण कामहरु गर्ने निर्णय पनि गरेको महासचिव पोखरेलले जानाकारी दिए ।

त्यसैगरी निर्वाचन सम्बन्धी ऐन, नियम संसोधन, नामावली संकलन र फोटो खिचाउनेलगायतका कामका लागि सहज वातावरण बनाउन सम्पूर्ण राजनीतिक दलहरुलाई बैठकले आग्रह गरेको छ ।

झाको राजीनामा अस्वीकृत

एमाले स्थायी कमिटीले नेता रामचन्द्र झाले पार्टीबाट गरेको राजीनामा अस्वीकृत गर्ने निर्णय गरेको छ ।
नेता झाले आफूले लामो समयदेखि उठाएका माग पार्टी नेतृत्वले सम्बोधन नगरेको भन्दै ८ चैत मा पार्टीबाट राजीनामा गरेका थिए ।

बैठक भोली पनि बस्नेछ ।

प्रतिकृया दिनुहोस