१६ चैत राति जोगवनी बजारमा रोकी राखेको बसबाट सल्किएको आगोले सडक वरपरका पसल छाप्रा हुँदै विराटनगर भंसार कार्यालयसम्म फैलने सम्भावना भएपछि आगो निभाउन नेपाली पक्षले ठूलै मेहनत गर्‍यो ।

आगो निभाउन विराटनगर र इटहरीका पा“च वटा दमकल र सशस्त्र तथा नेपाल प्रहरीका गरी एक सय ५० सुरक्षाकर्मी परिचालित भएको मोरङ प्रहरीले जनाएको छ । राति १२ बजे आगो निभाउन्जेलसम्म भंसार परिसर खाली गरिसकिएको थियो । भंसार परिसरमा राखिएका सय भन्दा बढी मालबहाक ट्रक सडकमा निकालिएको थियो भने कार्यालयका सामान अन्यत्र सारिएको थियो ।

भारत तर्फको आगलागी नियन्त्रणमा नेपाली पक्षले मात्रै मेहनत गरेकाले भारतीय नागरिकले त्यहा“को प्रशासन बिरुद्ध र नेपालीको स्वागतमा नाराबाजी गरेका थिए । राति पौने ११ बजे इटहरीबाट आएको दमकललाई भारतीय नागरिकले ताली बजाएर स्वागत गरे । भारत तर्फको आगलागी नियन्त्रणमा लिन भारतीय दमकल र भारतीय सुरक्षाकर्मी नआएको भन्दै स्थानीयबासीले बिरोधमा नाराबाजी गरेका थिए ।

नेपाली सुरक्षाकर्मी र दमकलले आगो नियन्त्रणमा नलिएको भए भारतीय जोगवनी बजार र यता विराटनगर भंसार कार्यालय तथा गोदाम ध्वस्त हुने सम्भावना थियो ।

दशगजा क्षेत्रमा भारतीय पक्ष अनधिकृत रुपले बनाएका टहरा पसल जलेर खरानी हुँदा सवा करोड रुपैयाँ बराबरको क्षति भएको हुनसक्ने इलाका प्रहरी कार्यालय रानीका निरीक्षक भगिरथ रेग्मीले बताएका छन् ।

कमल रिमाल,विराटनगर

प्रतिकृया दिनुहोस