जनतान्त्रिक तराई मधेश मुक्ति पार्टीका वार्ताटोली संयोजक मनोज मण्डल सुवासले बांकेका निमित्त प्रमुख जिल्ला अधिकारी चक्रपाणी पाण्डेलाई १७ चैतमा आफ्नो समूहसँग रहेका हतियार बुझाएका छन् ।

सरकार र भगत सिंह समुह बिच २०६८ फागुन १३ गते वार्ता भएको थियो ।

बुझाएका हतियारहरुमा बारबोर नलकटुवा पेस्तोल १७ थान, सकेट बम १६, टाइम बम ५, प्रेसर कुकर बम २, अटोमेटिक पेस्तोल १, ह्याण्ड ग्रिनेट ५, भरुवा बन्दुक १ थान रहेका छन् ।

त्यसैगरी बारुद २० केजी, बारबोरको कार्तुस २१ थान, तार फ्युज आधा रोल, बारबोर बन्दुक ३ थान, ३१५ बोर बन्दुक १ थान, ३१५ नलकटुवा ८, ३६ ग्रिनेट १, खाली सकेट ७, डेटोनेटर ६, बिष्फोटक पदार्थ (डाइनामाईट) १, ३०३ केजी र एसएलआरको गोली २७, बुलेट फुटेको गोली ३, पेस्तोलको गोली ३ थान, इलेक्ट्रोनिक फ्ल्यास १ र सेफ्टी फ्युज १२ थान रहेका छन् ।

भगत सिंह समुहका वार्ता टोलीका संयोजक मनोजले आफ्नो पार्टी अब संविधान निर्माणमा सक्रिय रुपले लाग्ने बताएका छन् ।

डि भण्डारी, नेपालगन्ज

प्रतिकृया दिनुहोस