मकवानपुर जिल्ला न्यायाधीश टेकनारायण कु“वरको इजलासले हत्या र चोरी डकैतीमा संलग्न भएको भन्दै १० जनालाई कसुर अनुसार २० रुपैया“ जरिवानादेखि २६ वर्ष कैदसम्मको सजाय सुनाएको छ ।

गत २८ असारमा मकवानपुर भैंसे–२ कालिटारका ५७ वर्षीया चन्द्रमाया थापा र उनकी छोरी ३७ वर्षीया लक्ष्मी थापाको घरमा सुतिरहेको अवस्थामा कुटपिट गर्दै हत्या भएको थियो ।

न्यायाधीश कु“वरको इजलासले हत्यामा संलग्न राजु श्रेष्ठ, गोपाल तामाङ र पासाङ स्याङबो, सानुकान्छा तामाङ, विष्णु तामाङ र सजीव लामा लाई सर्वश्वसहित जन्मकैद (२० वर्ष ) र चोरी डकैतीमा संलग्न भएकोमा थप ६ वर्ष कैद फैसला सुनाएको छ । त्यसगैरी निजहरुबाट ६ लाख रुपैयाँ जरिवाना असुल गर्न पनि अदालतले भनेको छ ।

हत्या संलग्न अन्य अभियुक्तहरुमध्ये सुजाता बर्तौलालाई १६ वर्ष कैद, मतियार सुके भनिने सुदीप भोम्जनलाई ११ वर्ष कैद र हत्या घटनाका बारेमा जानकारी भएर पनि कसैलाई नभनेको भन्दै अदालतले चमेलीमाया तामाङलाई २० रुपैयाँ जरिवाना गरेको छ ।

अदालतले हीरावबहादुर स्याङ्तान र मोहन बोलनलाई भने सफाइ दिएको छ ।

मोवाइलको कल डिटेल र कुकुरसमेत प्रयोग गरी हत्यामा संलग्न पक्राउ गरिएको थियो
रामशरण पुडासैनी, मकवानपुर

प्रतिकृया दिनुहोस