फाइल तस्बीर: बेगनास ताल ।

२१ चैतमा पिकनिक गएका बेला  डुंगामा ताल घुम्न गएका  पोखरा रामबजारका दुई बर्षीया इविना गुरुङ, तीन बर्षीया अनुष्का गुरुङको मृत्यु भएको छ भने रामबजारकै अन्दाजी २४ बर्षीय प्रकाश गुरुङ, २४ बर्षीया सुष्मा गुरुङ र २८ बर्षीया पुष्पा गुरुङ वेपत्ता भएको प्रहरी कार्यालय डाँडाकोनाकका प्रहरी निरीक्षक बिमल उपाध्यायले बताएका छन् ।

तालबाट उद्धार गरी उपचारका लागि पश्चिमाञ्चल क्षेत्रीय अस्पताल ल्याउँदै गर्दा उनीहरुको बाटोमा नै मृत्यु भएको हो ।

तीन बजे एक्कासी हावाहुरीसहित पानी परेको समयमा बेगनासको माझी्कुना भन्ने स्थानमा डुंगा पल्टिएको थियो । सकुसल पानीबाट उत्रनेमा ३० बर्षीय रीता गुरुङ, ९ बर्षीय एनकुमार गुरुङ र १३ बर्षीया सिम्रन गुरुङ छन् ।

पोखरा रामबजारका १२ जना पिकनीकका लागि बेगनास गएका थिए । डुंगामा सवार एक जनाले मात्र लाइफ ज्याकेट लगाएका थिए । तालमा बेपत्ता भएकाको खोजी भइरहेको छ ।
माधव बराल, पोखरा

प्रतिकृया दिनुहोस