तराईमा भूमिगत सशस्त्र समूह ‘तराई कम्युनिस्ट पार्टी’ का सिरहा कमान्डर कृष्ण मधेशीले सिरहा जिविसका योजना अधिकृत सुरेश राउतको निवासमा आफूले बम विष्फोट गराएको दाबी गरेका छन् ।

सिरहाका प्रहरी नायब उपरीक्षक रमेश तामाङका अनुसार, अज्ञात समूहले योजना अधिकृतको निवासमा बम राखे पनि प्राविधिक कारणले बम पूर्ण रुपमा विस्फोट नहुँदा सामान्य क्षति मात्र भएको छ । उक्त वम सानो आवाजका साथै जलेको थियो । आगोबाट निवासका पर्दा र फर्निचरमा क्षति पुगेको छ ।

राजनीतिक आडमा जिविस सिरहामा व्यापक भ्रष्टाचार गर्दै आएकाले चेतावनीस्वरूप विस्फोट गराएको कमान्डर मधेशीले फोनबाट सञ्चारकर्मीलाई बताएका छन् ।

उनकै नेतृत्वमा जिविसका स्थानीय विकास अधिकारी विजयराज सुवेदीको सरकारी निवासमा गत शुक्रबार राति पनि पेट्रोल बम विस्फोट गराएको थियो । विस्फोटबाट सामान्य क्षति भएको थियो ।

प्रतिकृया दिनुहोस