गुजरातको राजकोट नगर निगममा २१ चैतमा आत्मदाह प्रयास गर्दा छोटुनगर राइया धारमा बस्दै आएका ४० वर्षीय भरतमान सिंहको मृत्यु भएको प्रहरीलाई उधृत गर्दै पिटीआईले जनाएको छ । भरतमानको परिवारका अन्य सदस्यहरू रेखा, आशा, वासुमति र गिरिशमान गम्भिर घाइते छन् ।

प्रहरीका अनुसार उनीहरूले मट्टितेल खन्याएर आगो लगाएका थिए । घाइतेहरूलाई उपचारका लागि राजकोट सिभिल अस्पतालमा भर्ना गरिएको छ । उनीहरूको नेपालको ठेगाना भने खुल्न सकेको छैन ।

छोटुनगर कर्पोरेसन हाउसिङ सोसाइटीसँगको घर सम्बन्धी विवादपछि उनीहरूले आत्मदाह गरेको प्रहरीले जनाएको छ । सिंहको परिवार बस्दै आएको घर आधिकारिक भए/नभएको मुद्दा अदालतमा विचारधीन छ ।

प्रतिपक्षी काँग्रेस पार्टीले सिंहको परिवारलाई भारु पाँच लाख तथा घाइतेहरूलाई जनही भारु दुई लाख क्षतिपूर्ति दिन माग गरेको छ ।

तस्वीरहरूः पिटीआई र एएफपी

प्रतिकृया दिनुहोस