पेरिसमा अर्धनग्न प्रदर्शन गरिरहेका महिलाहरुलाई गिरफ्तार गर्दै प्रहरी

पेरिसमा ‘फेमेन समूह’ का महिला सदस्यहरुले टपलेस भएर ग्रांड मस्जिदका आगाडि बुधबार प्रदर्शन गरे । उनीहरुले यसो गरेको खबर संसारभरमै फैलियो र युक्रेन, पोल्याण्ड, ब्राजिल, बेल्जियम, इटली सहित करिब एक दर्जन देशका महिलाहरु टपलेस भएर सडकमा ओर्लिए ।

यता पेरिसमा टपलेस भएर मस्जिदको अपमान गरेको भन्दै प्रहरीले बलपूर्वक उनीहरुलाई त्यहाँबाट हटायो भने कैयौं गिरफ्तार भए ।

ट्युनिशियाको राजधानी ट्युनिसकी १९ वर्षीय अमीनाले निर्वस्त्र भएर वक्षस्थलमा F***k your morals लेखेको तस्बीर अपलोड गरेकी थिइन् । यसपछि अमिनालाई प्रहरीले गिरफ्तार गरेर मानसिक अस्पतालमा राखेको थियो । त्यसपछि संसारका धेरै देशहरुमा अमिनाका पक्षमा अर्धनग्न प्रदर्शन शुरु हुन थालेपछि उनी रिहा त भइन् तर, अँझै पनि उनीमाथि ज्यान मार्ने धम्की आउन भने छोडेको छैन ।

एजेन्सीहरु

प्रतिकृया दिनुहोस