तनहुँमा एमाओवादी उपाध्यक्षद्वय बाबुराम भट्टराई र नारायणकाजी श्रेष्ठ ।

४ बैशाखमा तनहुँमा आयोजित पत्रकार सम्मेलनमा एमाओवादी उपाध्यक्ष बाबुराम भट्टराईले वर्तमान गृहमन्त्री लगायत सबै जनआन्दोलनका दमनकर्ता भएको दाबी गरेका छन् । “दमनकर्ताकै कुरा गर्ने हो भने अहिले सरकारमा रहेका सबै जनआन्दोलनका दमनकर्ता हुन,” भट्टराईले भने, “वर्तमान गृहमन्त्री लगायत सबैमाथि दमनको आरोप लागेको छ ।”

जनआन्दोलनमा दमन गरेका लोकमानसिंह कार्कीलाई एमाओवादी लगायतका दलहरुले अख्तियार प्रमुखमा सिफारिस गरेको विषयलाई बचाउ गर्दै उनले वर्तमान सरकारका सबैलाई ‘जनआन्दोलनका दमनकर्ता’ भएको आरोप लगाएका हुन् ।

त्यस्तै अन्य दलहरुले भट्टराई सरकारले गरेका नियुक्ति खारेजीको माग गरेकोमा प्रतिक्रिया दिंदै उनले आफ्नो सरकारले विधिसम्मत ढंगबाट नियुक्ति गरेको दाबी गरे । उनले चुनावलाई प्रभाव पार्नेगरी नियुक्ति भएको भन्ने आरोपलाई प्रोपोगाण्डा भएको बताए ।

भट्टराईले चुनाव बहिष्कार गर्ने पक्षलाई बढी महत्व दिइएको भन्दै विरोध गर्ने ३३ दल भनिएकाहरुको कुनै हैसियत नभएको पनि दाबी गरेका थिए ।
पवन पौडेल, तनहुँ

प्रतिकृया दिनुहोस