सल्यानको वाफुखोलामा १२ बैशाखमा आयोजित सभालाई सम्बोधन गर्दै अध्यक्ष दाहालले एमालेले काँग्रेससँग मिलेर चुनावमा गएपछि कम्युनिष्ट सिद्धान्त नरहने मात्र भनेको दाबी गरेका छन् ।

“मैले त एमालेले कांग्रेससँग मिलेर चुनाव लडेमा सिद्धान्ततः एमाले कम्युनिष्ट रहने छैन भनेको हो, मेरो भनाइको आशय एमाले नै छैन भन्ने हैन,” दाहालले भने ।

उनले आफूले नभनेको कुरालाई सञ्चार माध्यमहरूले गलत प्रचारप्रसार गरेको आरोपसमेत लगाए ।

दाहालले आसन्न भारत भ्रमणको क्रममा नेपालको आर्थिक विकासका लागि कुरा उठाउने भन्दै भारतले सहयोग नगरेमा उसको सुरक्षा चिन्तामा सहयोग गर्न नसकिने भन्न पनि भ्याए ।

९ बैशाखमा बर्दियाको गुलरियामा आयोजित सभामा एमाओवादी अध्यक्ष पुष्पकमल दाहालले । एमालेबाट अशोककुमार राई र रामचन्द्र झाहरुले छाडिसकेकाले मुलुकमा एमाले पार्टी नरहेको बताएका थिए । दाहालले भनेका थिए, “अब एमाले कहाँ छ, एमाले छैन, एमाले सकियो ।”

दाहालको ‘एमाले छैन’ भन्ने अभिव्यक्ति आएपछि एमाले बरिष्ठ नेता माधवकुमार नेपालले दाहाल मानसिक रोगी भएको र उनलाई उपचारका लागि राँची लैजानु पर्ने प्रतिक्रिया दिएका थिए ।

प्रतिकृया दिनुहोस