धान गहुँ काट्ने बेला वर्षेनी मजदुरको अभावले दिक्क परेका पर्सा जगरनाथपुर सिराका किसान राजेशप्रसाद चौहानले खेतै बेचेर बाली काट्ने कम्वाईन हार्वेस्टर मेसिन खरिद गरे । हार्वेस्टर मेशिनको प्रयोगबाट पैसा र समय दुबैको बचत भएको उनी बताउँछन् ।

यसअघि धान, गहुँ, मकै र तोरी काट्नको लागि वरपरका गाउँमा मजदुर खोज्दै हिड्ने स्थानीय किसानहरु अहिले चौहानकै हार्वेस्टरमा भर परेका छन् । हार्वेस्टरले दैनिक २० विगाहमा लगाइएको गहुँ, धान काट्न सक्छ ।

३५ विगाह खेतका मालिक चौहानले २ विगाह खेत वेचेर ३० लाख रुपैयाँमा वीरगञ्जवाट कम्वाईन हार्वेस्टर खरिद गरेका हुन् । अहिले चौहानले हार्वेस्टर भाडामा दिएर मात्रै सिजनका बेला दैनिक करिब ५० हजार रुपैयाँ आम्दानी हुने बताउँछन् ।

जगरनाथपुरकै अर्का किसान प्रदीप साह रौनियारलाई यो हार्वेस्टरले ढुक्क भएको छ । रौनियार भन्छन्, “एक त मजदुरको अभाव, त्यसमाथि एक विगाह गहँु काटनका लागि ४० जना मजदुर लगाउनु पर्ने ।” उनी थप्छन, “हातले काट्दा अन्नको नोक्सान उस्तै मजदुरलाई दैनिक ५ किलो अनाज दिनुपर्ने खर्च बेग्लै, हार्भेस्टरले पैसा र समय दुबैको बचत गराएको छ ।”

बिम्मी शर्मा, वीरगञ्ज

प्रतिकृया दिनुहोस