राष्ट्रपति नेपोलिटानोसँग हात मिलाउँदै नयाँ प्रधानमन्त्री लेट्टा (दायाँ)

फेब्रुअरीमा भएको चुनावमा कुनै पनि दलले बहुमत हासिल गर्न नसक्दा इटालीमा दुई महिनादेखि राजनीतिक गतिरोध कायम थियो ।

नव गठित सरकारमा पिपुल्स अफ फ्रिडम पाटीका नेता सिल्भियो बुर्लोस्कोनी आफू सामेल नभए पनि उनले आफ्नो पार्टीका प्रमुख व्यक्तिहरुलाई ठूलो पद दिन सिफारिस गरेका छन् ।

प्रधानमन्त्री लेट्टा डेमोक्रेटिक पार्टीका दोस्रो प्रमुख नेता हुन् । लेट्टाका अनुसारे उल्लेख्य संख्यामा महिला सदस्यहरु रहेको मन्त्रिमण्डलमा पूर्व इयु कमिश्नर एम्मा बोनिनो इटालीकै प्रथम महिला विदेशमन्त्री हुने छिन् ।

सन् २००८ को विश्व आर्थिक मन्दीमा युरोपिय क्षेत्रबाट सबैभन्दा बढी इटालीमा असर परेको थियो र अझै पनि स्थिति गम्भीर नै छ । यस्तो समयमा प्रधानमन्त्री बनेका लेट्टाले युरोपको आर्थिक समस्याको समाधानका लागि मितव्ययिताभन्दा पनि अर्को कुनै उपायमा ध्यान केन्द्रित गर्ने बताएका छन् ।

राजनीतिक विश्लेषकहरुले इटलीको मुख्य दक्षिणपन्थी र वामपन्थी पार्टीको यो गठबन्धनलाई अभूतपूर्व भन्दै यो गठबन्धन सफल हुनेमा आशंका ब्यक्त गरेका छन् ।

प्रतिकृया दिनुहोस