झापाको सतासीधाममा लिम्बुवानका कार्यकर्ताले जलाएको मोटरसाइकल । तस्बीर: गोपाल गडतौला, हिमालखबर

मतदाता नामाबली संकलनमा अवरोध गर्दै आएको संघीय लिम्बुवान राज्य परिषद्ले आह्वान गरेको बन्दमा गुडाएको भन्दै पूर्व पश्चिम राजमार्गको झापा सतासीधाम खण्डमा दिँउसो १२ बजे अनारमनी ३ का सन्दीप साहेबालको मे ३ प ९२५० र दिँउसो डेढ बजे राजमार्गकै झापा धाइजन खण्डमा बिर्तामोडका शान्तिराम निरौलाको मे ४ प २४१ नम्बरको मोटरसाइकल जलाएका छन्. ।

यसैबिच प्रहरीले झापाका बिभिन्न ठाँउबाट आफ्ना २२ कार्यकर्ता पक्राउ गरेको परिषदका अध्यक्ष कुमार लिंगदेनले बताएका छन् ।

बन्दका कारण पूर्वी नेपालको ९ वटा जिल्लाको जनजीबन कष्टप्रद बनिरहेको छ । राजमार्गमा यातायातका साधन नचल्दा मानिसहरु पैदल हिँडिरहेका भेटिन्छन् । बिहानैदेखि बन्दको उर्दी गर्दै राजमार्गमा निस्किएका कार्यकर्ताहरुले जन्ती बसहरुलाई समेत रोकेर भाषण सुनाएका थिए ।

फोटो सहितको मतदाता नामावाली संकलन कार्यलाई अबरोध गरिरहेका सात कार्यकर्तालाई २० बैशाखमा पाँचथरबाट पक्राउ गरेको बिरोधमा २१ बैशाखदेखि परिषदले पूर्वका नौ जिल्ला बन्द गराएको छ ।

गोपाल गडतौला, झापा

प्रतिकृया दिनुहोस