विवादास्पद छवीका लोकमानसिंह कार्कीको नाम अख्तियार प्रमुखमा सिफारिस भएपछि राष्ट्रपति कार्यालयले कार्कीको नाम अनुमोदन गर्ने वा नगर्ने बारे अध्ययन शुरु गरेको छ ।

कार्कीका बारेमा रायमाझी आयोगले गरेको सिफारिस, सिफारिस रोक्न नागरिक समाजले दिएको पत्र र सर्वोच्चको फैसलाका विषयमा अध्ययन थालेको राष्ट्रपति कार्यालयले जनाएको छ ।

सरकारले गरेको सिफारिसका विषयमा राष्ट्रपति डा रामावरण यादव आन्तरिक छलफलमा छन् । आफ्ना सल्लाहकार र निकटस्थहरु सहित बोलाइएको बैठकमा कार्कीको सिफारिस अनुमोदन गर्ने वा नगर्ने भन्ने विषयमा छलफल हुने शीतलनिवास स्रोतले जनाएको छ ।

कार्कीको सिफारिस रोक्न नागरिक समाजका अगुवा तथा राजनीतिक दलका प्रतिनिधिहरुले नै आग्रह गरेपछि राष्ट्रपति पनि दबावमा परेका छन् ।

प्रतिकृया दिनुहोस