हाम्रो समाजमा अझै पनि पुरुष प्रधानता विद्यमान रहँदा छोरी र छोराबीच हुने ब्यवहारमा परिवर्तन आउन सकेको छैन भने छोराको आशामा गर्भपतन गराउँदा कतिपय आमाको ज्यानसमेत जोखिममा पर्ने गरेको छ ।

छोराको आशाामा ३० वर्षको उमेर पुग्नुअघि नै चार छोरीलाई जन्म दिएकी महोत्तरी शहरवाकी चन्दा झाको गर्भमा रहेको पाचौं सन्तान पनि छोरी नै भएको चिकित्सकले बताएपछि उनले गर्भपतन गराइन् । तर, गर्भपतन भइसकेपछि उनको कोखमा रहेको बच्चा छोरा भएको थाहा लाग्यो ।

एक साता अघि जनकपुरको जानकी प्रहरी चौकी नजिक रहेको जनकपुर प्रसुति गृहमा गर्भपतनका लागि भर्ना भएकी महोत्तरीकी चन्दा झाले २४ बैशाख राति १ बजे छोरालाई जन्म दिएकी थिईन् । जन्मेको शिशु ५ महिनाको मात्रै रहेको र गर्भपतनको औषधी सेवनपछि बच्चा जन्मिएकोले बचाउन नसकिएको अस्पताल स्रोतले जनाएको छ ।

जन्मेको बच्चाको लिंग हेर्दा परिवारजन र प्रसुति गृहमा रहेका अन्य बिरामीहरुले समेत स्पष्ट रुपमा छोरा रहेको पहिचान गरिएको चन्दाका देवर अशोक झाले बताए ।

दौडँदै गएर परिचारिका रञ्जु झालाई देखाउ“दा उनले शिशुलाई आफ्नो नियन्त्रणमा लिएर माथिल्लो तल्लामा गएको चन्दाकी आमा चन्द्रकला देबीले बताईन् । पछि शिशु लिड्ड काटिएको र रगतले लथपथ भएको अवस्थामा रञ्जुले हस्तान्तरण गरेको प्रत्यक्षदर्शीहरुले दाबी गरेका छन् ।

आक्रोशित परिवारजनले क्लिनिकमा तोडफोड समेत गरेका छन् । समान्य क्षति भएपछि अस्पताल सञ्चालक डाक्टर निलम चौधरीले खबर सार्वजनिक नगर्ने शर्तमा पीडित परिवारलाई एक लाख रुपैयाँ दिने सहमति भएको अस्पताल स्रोतको दाबी छ ।

चन्दाले गर्भ भएदेखि नै पटक पटक चिकित्सकसँग जाँच गराउँदै आएको र दुईपटक अल्ट्रासाउन्ड गराएर चिकित्सक चौधरीलाई रिपोर्ट देखाउन जा“दा गर्भमा रहेको शिशु छोरी नै रहेको बताएपछि गर्भपतन गर्ने निर्णयमा पुगेको बताईन् ।

कानूनले चिकित्सकले आवश्यक ठहर गरेमा तीन महिनासम्मको गर्भलाई पतन गराउन सक्ने ब्यवस्था गरेको छ । यद्दपी लिड्ड पहिचान गरेर हुने गर्भपतनलाई कानूनले अपराध मानेको छ ।

चेतनाको कमी, परम्परागत मान्यता र अन्धविश्वास साथै पुरुष प्रधान समाजले गर्दा छोरा र छोरी बीच हुने विभेद हाम्रो समाजमा अझै कायमै छ । छोरा र छोरीबीचको विभेदको खाडल पुर्न सकेमात्रै महिलामाथि हुने हिंसा घट्न सक्छ ।
इश्वरचन्द्र झा, जनकपुर

प्रतिकृया दिनुहोस