अख्तियार दुरुपयोग अनुसन्धान आयोगमा लोकमानसिंह कार्कीको नियुक्तिको विरोधमा आन्दोलनरत विद्यार्थी संगठनहरुले भोली २९ बैशाख का लागि आह्वान गरेको नेपाल बन्द फिर्ता लिएको नेविसंघका प्रवक्ता युपी लामिछानेले बताएका छन् ।

अनेरास्ववियुको कार्यालय बागबजारमा बसेको विद्यार्थी संगठनको बैठकले बन्द फिर्ता लिने निर्णय गरेको हो ।

माउ पार्टीहरुको सिफारिसमा अख्तियारमा कार्कीको नियुक्ति भएकोमा विरोध जनाउँदै आएका विद्यार्थी संगठनहरुले बन्दका कारण जनजीवन प्रभावित हुने भएकाले विरोधका अरु नै कार्यक्रम गर्ने गरी बन्द फिर्ता लिएको बताएका छन् ।

प्रतिकृया दिनुहोस