विवादित छवीका लोकमानसिंह कार्कीलाई महत्वपूर्ण संवैधानिक अङ्ग अख्तियार प्रमुखको जिम्मा दिएको भन्दै ३३ दलीय मोर्चाले ३१ बैशाखमा अख्तियार दुरुपयागे अनुसन्धान आयोगको कार्यालय घेराउ गरेको छ ।

विहान ९ बजेदेखि ११ बजेसम्म काठमाडौंको टङ्गालमा रहेको अख्तियारको कार्यालय घेराउ गरिएको नेकपा–माओवादीका पोलिटव्युरो सदस्य हरिभक्त कंडेलले बताए । कंडेलका अनुसार घेराउका क्रममा प्रहरीसँग सामान्य धकेलाधकेल भएको थियो ।

उक्त क्षेत्रमा भारी संख्यामा सुरक्षाकर्मीहरु तैनाथ छन् । आन्दोलनकारीहरुलाई अख्तियारको गेटसम्म पुग्न नदिएपछि उत्तरतर्फ भाटभटेनी र दक्षिण टंगाल गणेश छेउमा आन्दोलनकारीहरुले धर्ना र नाराबाजी गरेका थिए ।

प्रमुख चार राजनीतिक शक्तिबीच भएको ११ बुँदे सहमति र २५ बुँदे बाधा अड्काउ फुकाउको निर्णय समेत खारेज गर्नुपर्ने भन्दै मोर्चाले १ जेठदेखि १५ गतेसम्मका आन्दोलनका कार्यक्रम यसअघिनै सार्वजनिक गरिसकेको छ ।

प्रतिकृया दिनुहोस