अन्तरिम चुनावी मन्त्रिपरिषद्का अध्यक्ष खिलराज रेग्मीसँग ३१ बैशाखमा भएको छलफलमा साना दलका नेताहरुले दल दर्ता गराउँदा १० हजार जनाको हस्ताक्षर बुझाउनु पर्ने प्रावधान र थ्रेस होल्डको व्यवस्था नराख्न माग गरेका हुन् ।

साना दलको मागका बारेमा अध्ययन र विश्लेषण गरेर निर्णय गरिने मन्त्रिपरिषद् अध्यक्ष रेग्मीले आश्वासन दिएको रेग्मीका प्रेस सल्लाहकार विमल गौतमले बताए ।

प्रधानमन्त्रीको कार्यालय सिंहदरबारमा भएको छलफलमा नेकपा माओवादीको नेतृत्वमा रहेको मोर्चामा सहभागि केही दलसहितका २९ दलका प्रतिनिधिहरुको सहभागिता थियो ।

संविधानसभा सदस्य निर्वाचन ऐनको विवादित विषयमा सबै दलहरुसँग छलफल गरेर निर्णयमा पुग्नका लागि अध्यक्ष रेग्मीले दलहरुसँगको छलफल गरिरहेका छन् ।

यसअघि अध्यक्ष रेग्मीले आजै बिहान नेकपा एमालेका नेताहरुसँग र ३० बैशाखमा नेपाली कांग्रेससँग छलफल गरेका थिए । कांग्रेस र एमालेले थ्रेसहोल्ड राख्नु पर्ने बताउँदै आएका छन् ।

प्रतिकृया दिनुहोस