मोटरसाइकलको ट्याङ्कीमा लुकाइ राखेको लागु औषध निकाल्न ट्याङ्कीमा पानी खन्याउँदै विराटनगर प्रहरी । तस्बीर: कमल रिमाल

३१ बैशाख साँझ धरान–८ का ३३ वर्षीय रबि मगरले चलाएको अपाचे मोटरसाइकलको ट्याङ्की भरी लागुऔषधको एम्पुल प्रहरीले बरामद गरेको छ । सुईबाट प्रयोग गरिने बिभिन्न जातका लागु औषध भरेको मोटरसाइकल पक्राउ गरेको प्रहरीले लागुऔषध तस्करी नियन्त्रणमा चुनौति थपिएको पनि बताएको छ ।

इलाका प्रहरी कार्यालय रानी, विराटनगरका सुरक्षाकर्मीलाई मोटरसाइकलको ट्याङ्कीबाट लागुऔषधका एम्पुल निकाल्न हम्मे परेको थियो । पेट्रोल हाल्ने ट्याङ्कीमा पानी हालेर एम्पुल निकाल्न प्रहरीलाई झण्डै दुई घण्टा लागेको थियो । यति मेहनत गर्दापनि करिव सय वटा मात्रै एम्पुल फेला पर्‍यो ।

लागुऔषधको नशामा लट्ठ भएका मगरले आफुसँगै आएका २२ वर्षीय दिपक मगरको कम्जोरीले आफुहरु पक्राउ परेको बताए । दिपकपनि उनीहस“गै पक्राउ परेका छन् । कसले र कसका लागि खरिद गर्न पठाएको हो भन्ने नबताएका मगरले आफ्नै लागि आगुऔषध ल्याएको बताएका छन् ।

उनले यसअघि इटहरीबाटै लागुऔषध खरिद गर्ने गरेको बताउँदै पहिलो पटक जोगवनी आएको र जोन ना गरेका ब्यक्तिले थप दुई हजार रुपैया लिएर मोटरसाइकल नेपाल भित्र्याईदिएको बताए ।

लागुऔषधले ट्याङ्की भरिएको मोटरसाइकलसहित उनीहरुलाई सीमा क्षेत्रबाटै प्रहरीले पक्राउ गरेको थियो ।
इलाका प्रहरी कार्यालय रानीका प्रहरी निरीक्षक अनिल पौडेल बिवेश सुराकीका आधारमा लागुऔषध भरिएको मोटरसाइकल पक्राउ गर्न सकिएको हो ।

यसअघि जोगवनी नाकामा लागुऔषधका एम्पुल पेटमा भरेका मानिस र तितेकरेला तथा घिरौलामा भरेर ल्याउने ब्यक्ति पक्राउ परिसकेका छन् ।
कमल रिमाल, विराटनगर

प्रतिकृया दिनुहोस