जिल्ला पशु सेवा कार्यालय मनाङ र अन्य संघ संस्था एवम् कर्यालयको सहयोगमा ३ जेठमा एक कार्यक्रमका बीच मनाङलाई डाइक्लोफेनिक मुक्त जिल्ला घोषणा गरिएको छ ।

पशुपंछीमा दुखाई कम गर्न प्रयोग गरिने डाईक्लोफेनिक औषधी अब मनाङको कुनैपनि गाउँको पशु पंछीलाई प्रयोग नपाईने पशुसेवा कार्यालय मनाङका प्रमुख डा. बज्रकिशोर ठाकुरले बताए । डाईक्लोफेनिक औषधी प्रयोग भएको पशुपंछी मरेपछि त्यसको मासु गिद्धले खाएमा गिद्धमा युरिक एसिड बढ्ने र पछि मृगौलामा समस्या उत्पन्न भइ गिद्ध मर्ने भएकाले डाईक्लोफेनिक औषधी प्रयोग गर्न नहुने पंछी संरक्षण संघ काठमाडौँका भुपाल नेपालीले बताए ।

नेपालभर नै गिद्धको संरक्षणको अभियान चलाएको जानकारी दिँदै मनाङलाई ३१ औँ डाईक्लोफेनिक मुक्त जिल्ला घोषणा गर्न सफल भएको उनको भनाई छ । गिद्धले बातावरणिय संरक्षणका साथै रेविज लगायतका विभिन्न रोगबाट जोगाउन मद्दत पु¥याउने पनि नेपालीले जानकारी दिए ।

त्यस्तै ग्लोबल प्राईमेट नेटवर्क दिक्पालका संरक्षण अधिकृत दिक्पाल कर्माचार्यले विश्वबाटै ९५ प्रतिशत गिद्ध लोप भईसकेको भन्दै संरक्षणका लागी सबै लाग्नुपर्नेमा जोड दिए । डाक्लोफेनिक औषधीको प्रयोग गरे नगरेको अनुगमन गर्न आग्रह गर्दे उनले किसानलाई यसले पार्ने असरको बारेमा सचेतना जगाउन समेत संवन्धित निकायलाई आग्रह गरे ।

कार्यक्रममा मनाङका प्रमुख जिल्ला अधिकारी हरिप्रसाद बास्तोला, स्थानिय विकास अधिकारी प्रेमराज गिरी, स्थानीय राजनितिकर्मी, संघ संस्था लगायतको सहभागिता थियो ।

नेपाल सरकारले २०६३ जेठ २३ गतेदेखि नेपालमा डाईक्लोफेनिक औषधी विक्रि वितरणमा प्रतिवन्ध लगाएको छ । उक्त औषधीको विक्रि वितरण गरेमा पाँच हजार जरिवाना र तिन बर्ष सम्म कैद सँजाय हुने व्यवस्था छ ।
युवराज श्रेष्ठ, लमजुङ

प्रतिकृया दिनुहोस