शैक्षिक कार्यक्रम अन्तर्गत अमेरिकाको क्यालिफोनिया स्टेट विश्वविद्यालयबाट आएका १७ जना पर्यटकहरुलाई लुट्ने लुटेरालाई जिल्ला प्रहरी कार्यालय ताप्लेजुङले सदरमुकाम नजिकैको हाङदेवाबाट ११ जेठ राति पक्राउ गरी १३ जेठमा सार्वजनिक गरेको हो ।

जिल्ला प्रहरी कार्यालयका प्रहरी प्रमुख डिएसपी गोबिन्दप्रसाद आचार्यका अनुसार प्रहरीले पक्राउ गरेकामा हाङदेवा ३ बस्ने १४ बर्षीय रोशन मादेन, सोही ठाउँका १६ बर्षीय बीरहाङ मादेन, १६ बर्षका कुमार श्रेष्ठ, १३ बर्षीय सुरेश मादेन र १४ बर्षीय प्रकाश लाम्गादे छन् ।

पक्राउ परेकाहरुबाट ५ हजार नेपाली रुपैंयाँ, ३ सय अमेरिकी डलर, ३ वटा क्यामरा र दुईवटा मोवाईल सेट गरी १ लाख ९२ हजार ८० रुपैयाँ बरावरको नगद तथा जिन्सी सामान बरामद भएको प्रहरी प्रमुख गोविन्द आर्चालले जानकारी दिए ।

पक्राउ परेकाहरुलाई चोरी अभियोगमा मुद्दा चलाइने प्रहरी नायव उपरीक्षक आर्चायले बताए । लुटिएका पर्यटकहरु ताप्लेजुङ सदरमुकाम फुङलिङमा छन उनीहरुका सामान आजै हस्तान्तरण गर्ने समेत आर्चायले बताएका छन् ।

राजेन्द्र श्रेष्ठ, ताप्लेजुङ

प्रतिकृया दिनुहोस