थप समाचारबुधबार, जेठ १५, २०७०

नागरिक समाजको गणतन्त्र दिवस (फोटो फिचर)

हिमालखबर

जनताको संघर्ष र बलिदानबाट २४० वर्षे निरंकुश राजतन्त्रको अन्त्य गरी स्थापना भएको गणतन्त्र छैटौं वर्षमा प्रवेश गरिरहदा जनता भने खुशी भन्दा पनि निराश बन्नु परिरहेको छ ।

निरंकुश राजतन्त्रबाट खोसेर जनताले आफ्ना प्रतिनिधि राजनीतिक दललाई सुम्पिएको लोकतन्त्र पनि तिनै दलहरुले निर्दलीय व्यवस्थाको सरकारलाई जिम्मा लगाएर देशलाई प्रतिगमन तर्फ धकेलेका छन् ।

त्यसैगरी आफ्नो पेशा, जिम्मेवारी र प्रतिष्ठाले स्वच्छ व्यक्ति नियुक्त गर्नुपर्ने अख्तियार दुरुपयोग अनुसन्धान आयोगको प्रमुख जस्तो गरिमामय ठाउँमा जनआन्दोलन दबाउन भूमिका खेल्न तत्कालिन राजालाई बल पुर्याउने, पद र प्रतिष्ठाको दूरुपयोग गर्ने लोकमानसिंह कार्की जस्ता व्यक्तिलाई नियुक्त गरिएको छ ।

त्यसैले गणतन्त्र दिवशको दिन १५ जेठले जनतालाई उत्साहित बनाउँन सकेन । राजनैतिक दलहरुको रवैयाले शहिदको अपमान गरिरहेको छ ।

न्यायालयलाई दबावमा राखी सरकारद्वारा गरिएको नियुक्ति र जनभावना विपरित उसलाई दिइएको टेवाको विरोधमा १५ जेठमा लोकतन्त्र तथा शान्तिका लागि पेशागत संजाल(पापड) र राष्ट्रियता र लोकतन्त्रका लागि नागरिक अभियानद्वारा नागरिक सभाको आयोजना गरिएको थियो ।

प्रस्तुत छ नयाँ बानेश्वरमा आयोजित सभाका केही दृश्यहरुः

सभामा उपस्थितहरुका सामू आफ्नो हास्य व्यंग्यात्मक प्रस्तुती प्रस्तुत गर्दै कलाकार मनोज गजुरेल

कार्यक्रममा उपस्थित

सभालाई सम्बोधन गर्दै द्वन्द्व पीडित संस्थाका राम कुमार भण्डारी, डा। गौरीशंकर लाल दास, मिरा कायस्थ वरिष्ठ कवी विजय बजिमय र कार्यक्रमका अध्यक्ष महेन्द्र गुरुङ (पछाडी बायाँबाट क्रमशः)