२३ जेठका लागि निर्धारित निर्वाचन १६ जेठमा अर्को सूचना जारी नभएसम्मका लागि स्थगित भएको अखिल नेपाल राष्ट्रिय स्वतन्त्र विद्यार्थी युनियका उपाध्यक्ष लक्ष्मण लम्सालले जानकारी दिए । नेविसंघ, अखिल, एनेकपा माओवादीसम्बद्ध अनेरास्ववियु(क्रान्तिकारी) र नेकपा–माओवादीसम्बद्ध अनेरास्ववियु(क्रान्तिकारी)संगको संयुक्त वार्ता असफल भएपछि त्रिभुवन विश्वविद्यालयले निर्वाचन स्थगन गरेको हो ।

उपाध्यक्ष लम्सालका अनुसार एमाओवादी र माओवादीसम्बद्ध विद्यार्थी संगठनले फर्जी विद्यार्थी भर्नाको विषयमा पालैपालो ताला लगाएपछि उम्मेदवारी दर्ता गर्ने दिन निर्वाचन सरेको हो । समस्या भएका क्याम्पसलाई छाडेर बाँकीमा निर्वाचन गर्न आफूहरूले राखेको प्रस्ताव एमाओवादीसम्बद्ध विद्यार्थीहरूले अस्विकारेको उनको भनाई थियो ।

प्रतिकृया दिनुहोस