कांग्रेस केन्द्रीय सदस्य गगन थापाले सक्दो चाँडै वर्तमान सरकारलाई विस्थापन गर्नुपर्ने भन्दै त्यसका लागि शिघ्र संविधानसभाको निर्वाचन हुनु जरुरी रहेको बताएका छन् ।

नेपाली कांग्रेस काभ्रे, क्षेत्र नं १ ले मंगलटारमा १८ जेठमा गरेको प्रशिक्षण कार्यक्रममा  बोल्दै थापाले एमाओवादीले निर्वाचन नचाहेको आरोप लगाउँदै मोहन बैद्य लगायत असन्तुष्ट शक्तिलाई सहमतिमा ल्याउन एमाओवादीले नचाहेको दाबी गरे ।

उनले भने, “एमाओवादीले एकतन्त्रीय शासन चाहने भएकाले उसले मधेशवादी दलसँग मिलेर देशको लालपुर्जा बेचेरै भए पनि अकन्टक शासन चलाउने चाहना राखेको छ ।”

कार्यक्रममा बोल्दै अर्का केन्द्रीय सदस्य प्रकाशशरण महतले एमाओवादीले एकतन्त्रीय शासन चाहेकाले नै राष्ट्रपतीय शासनको वकालत गरिरहेको आरोप लगाए ।

कार्यक्रममा एमाओवादी, एमाले, राप्रपा लगायतका दल परित्याग गरी करिब १ सय नेता तथा कार्यकर्ता कांग्रेसमा प्रवेश गरेका थिए ।
नगेन्द्र अधिकारी, काभ्रे

प्रतिकृया दिनुहोस