वाईसियलले आफ्ना कार्यकर्तालाई प्रहरी भ्यान भित्रै कुटपिट गरेको भन्दै तरुण दल दोलखाले २० जेठमा गरेको बन्दका कारण जिल्लामा यातायात सञ्चालन हुन सकेको छैन भने सदरमुकाम चरिकोटका पसलहरु बन्द छन् । सदरमुकामका शैक्षिक संस्थाहरू समेत सञ्चालन हुनसकेका छैनन् ।

प्रमुख जिल्ला अधिकारी कालीप्रसाद पराजुलीले जिल्लामा बन्द खुलाउन वार्ताको पहल भईरहेको जानकारी दिए । तरुण दलका सानु शेर्पालाई कुटपिट गर्ने वाईसिएल कार्यकर्तालाई पक्राउ गरी कारवाही नगरेसम्म बन्द कायम रहने तरुण दल दोलखाका अध्यक्ष जयराम श्रेष्ठले बताए ।

कवाडी सामानको कर उठाउने विषयमा तरुण दल र वाईसियलबीच विवाद भएको थियो । विवादको क्रममा सानु शेर्पाले वाईसियल दोलखाका अध्यक्ष नविन जिरेललाई हातपात गरेको आरोप वाईसियल पक्षको छ । शेर्पामाथि कुटपिट भएपछि आक्रोशित कांग्रेस कार्यकर्ताहरुले एमाओवादीको कार्यालयमा तोडफोड गरेका थिए ।

सर्मिला बुढाथोकी, दोलखा

प्रतिकृया दिनुहोस