सिङथापा डाँडाबाट खसिरेहेको पहिरो नरोकिएपछि ताप्लेजुङ थुकिमा– ६ खुर्पाताका २८ परिवार घर छोडेर गएका छन् ।

स्थानीय नानीबहादुर केदेमले सिङथापा भन्ने ठाउँमा पहिरो गइरहेको र माथिल्लो भेगका बासिन्दाहरुले घरमा नबस्ने भनेर फोन गरेपछि राति नै भागाभाग भएको बताए । केदेमका अनुसार २३ जेठ राति खुर्पाताकका २८ परिवार हतार हतार नाल्बु ५ स्थित लंवापाटीमा रात काटेका छन् ।

पहिरोबाट स्थानीय त्रिभुवन उच्च माविमा अध्ययनरत पाँच जना विद्यार्थीको निधन भएपछि २३ जेठदेखि विद्यालय बन्द गरिएको छ भने नेपाल शिक्षक युनियन, नेपाल शैक्षिक गणतान्त्रिक मञ्च, नेपाल राष्ट्रिय शिक्षक संगठन, नेपाल शिक्षक संघ र अखिल नेपाल शिक्षक संगठनले शोक ब्यक्त गर्दै २४ जेठमा जिल्लाका सम्पूर्ण शैक्षिक संस्था बन्द गरेका छन् ।
राजेन्द्र श्रेष्ठ, ताप्लेजुङ

प्रतिकृया दिनुहोस