महिला, बालबालिका तथा समाजकल्याण मन्त्रालयमा २४ जेठ साँझ सिर्जना चौधरीको हत्याको सम्बन्धमा सत्यतथ्य पत्ता लगाएर दोषीलाई कारवाही गर्नेलगायतका सहमति भएपछि आन्दोलन फिर्ता लिइएको पूर्व सभासद् शान्ता चौधरीले जानकारी दिइन । सिंहदरबारमा १९ जेठमा प्रहरीले अन्धाधुन्ध लाठी प्रहार गर्दा घाइते भएका महिलाहरूको उपचार सरकारले गर्ने सहमति पनि भएको छ ।

यस्तै मुक्त कमलरीलाई पुनस्र्थापना गर्ने, परिचयपत्र वितरण गर्ने र कमलरीको रुपमा रहँदा कार्यरत घरमै यौन शोषणबाट आमा बन्न पुगेकाहरूबाट जन्मेका वालवालिकाहरूको पहिचान र अंशको अधिकार सुनिश्चित गर्ने प्रक्रिया अगाडि बढाउन पनि सरकार सहमत भएको हो ।

प्रतिकृया दिनुहोस