१३ असारमा बसेको मन्त्रिपरिषद बैठकले पूर्व सभासद सदरुल मियाँ हकको हत्यामा परिवार नै संलग्न रहेकोले यसअघि घोषणा गरिएको राहत रकम नदिने निर्णय गरेको छ ।

७ जेठमा आफ्नै पेट्रोलपम्पमा मृत अवस्थामा भेटिएका सप्तरीका पूर्व सभासद् सदरुलको उनकै पत्नी र छोरीको योजनामा हत्या भएको प्रहरी अनुसन्धानबाट खुलेको थियो ।

त्यसैगरी बैठकले नेपाल स्टक एक्स्चेञ्ज लिमिटेडको महाप्रबन्धकमा सीताराम थपलियालाई नियुक्त गरेको सरकारका प्रवक्ता एवम सूचना तथा सञ्चारमन्त्री माधवप्रसाद पौडेलले जानकारी दिए ।

सरकारले मुक्त कमैया श्रम निÈेध ऐन २०५८ ले कम्लहरीका रुपमा काममा लगाउन नपाउने भनेपनि कम्लहरी मुक्ति हुन नसकेकाले यसका लागि अभियानकै घोÈणा गर्ने निर्णय पनि गरेको छ ।

मन्त्रिपरिषदका अध्यक्ष र मन्त्रीहरुले ७ दिन बराबरको तलब प्रधानमन्त्री दैवीप्रकोप उद्धार कोषमा जम्मा गर्ने भएको पनि प्रवक्ता पौडेलले बताए ।

त्यस्तै बैठकले विद्यालय क्षेत्र सुधार कार्यक्रमको निरन्तरताका लागि अन्तराष्ट्रिय विकास संस्थाले दिने झण्डै ९ अर्ब रुपैया“, काठमाडौ उपत्यका ढल ब्यवस्थापन आयोजना सञ्चालनका लागि एसियाली विकास बैंकले दिने ७ अर्ब ५८ करोड रुपैयाँ अनुदान तथा ऋण लिने निर्णय गरेको छ भने सुरक्षित आप्रवासन परियोजना दोस्रो चरण सञ्चालनका लागि स्वीट्जरल्याण्डले दिने ८० करोड ४६ लाख रुपैयाँ सहयोग पनि लिने निर्णय गरेको छ ।

प्रतिकृया दिनुहोस