नेपाल प्रहरीले १४ असारमा काठमाडौंमा पत्रकार सम्मेलन गरी प्रहरी प्रधान कार्यालयको नेशनल सेन्ट्रल व्यूरोबाट टर्कीमा बन्धक बनाइएका नेपालीबारे इन्टरपोलमार्फत सूचना प्रवाह गरेपछि उनीहरु पक्राउ परेको जनाएको छ ।

इन्टरपोलमा रेडकर्नर नोटिस जारी भएपछि टर्की प्रहरीले अपहरणमा संलग्न ३ बंगलादेशी नागरिकलाई पक्राउ गरेको प्रहरी प्रवक्ता नवराज सिलवालले जानकारी दिए ।

टर्की प्रहरीले अपहरणमा संलग्न भएकाहरुलाई शरीर बन्धक तथा अपहरणको मुद्दा दायर गरेको छ । अपहरणमा परेका ७ नेपालीलाई अपहरण गरी उनीहरुका आफन्तसँग ती बंगलादेशी नागरिकले पैसा मागेको प्रहरीले जनाएको छ ।

इन्टरपोलले संगठित अपराध, अन्तर्देशीय अपराध र मानव बेचबिखनमा संग्लनविरुद्ध रेडकर्नर नोटिस जारी गर्दै आएको प्रवक्ता सिलवालले बताए ।

रेडकर्नर नोटिसमा ७९ जना नेपाली परेको पनि प्रहरीले जनाएको छ । नेपाल, भारत, अमेरिका, बेलारुस, यूएई, इटाली, कतारलगायतका देशहरुले ७९ नेपाली बिरुद्ध रेड कर्नर नोटिस जारी गरेका हुन् ।

नेपालले पनि एक अमेरिकी र एक भारतीय नागरिकमाथी रेडकर्नर नोटिस जारी गरेको छ । इन्टरपोलमा सूचिकृत नेपाल १ सयौं सदस्य राष्ट्र हो ।

यसैबीच पछिल्लो पटक नेपाल प्रहरीका डिआइजी सरुवा विवादित भएको भन्ने सूचना गलत भएको प्रहरीले जनाएको छ । सरुवामा परेका डिआइजीहरुले असन्तुष्टि व्यक्त गर्दै प्रहरी प्रधान कार्यालयमा आइजीपी कुबेरसिंह रानास“ग गुनासो गरेको खबर बाहिर आएपछि सिलवालले त्यस्ता खबर तथ्यहीन र भ्रामक भएको दाबी गरे ।

नेपाल प्रहरी प्रजातान्त्रिक मान्यता अनुरुप सञ्चालित संस्था भएकाले प्रहरी कर्मचारीले आफ्ना अभिभावक समक्ष गुनासो राख्नु स्वभाविक भएको प्रवक्ता सिलवालको भनाई थियो ।

प्रतिकृया दिनुहोस