१५ असारमा पोखरामा शुरु भएको नेकपा–माओवादी केन्द्रीय समिति बैठकमा अध्यक्ष मोहन वैद्यले चुनाव बहिष्कार गर्ने औपचारीक प्रस्ताव गरेपछि आज त्यस विषयमा छलफल हुनेछ ।

वैद्यले चुनाव बहिष्कार र वार्तालाई सँगसँगै लैजाने गरी प्रस्ताव पेस गरेका छन् । प्रस्तावमा केन्द्रीय सदस्यहरुले टिप्पणी गरेपछि पार्टीले संविधानसभा निर्वाचनका विषयमा आधिकारिक निर्णय गर्ने पोलिटब्युरो सदस्य हरिभक्त कँडेलले जानकारी दिए ।

पहिलोपटक उपत्यका बाहिर शुरु भएको बैठकमा आगामी संविधानसभाको औचित्य, पार्टीको धारणा र भावी कार्यदिशाको बारेमा छलफल हुनेछ ।

बैठकमा अध्यक्ष वैद्यसँगै महासचिव रामबहादुर थापाले संगठन र संघर्ष सम्बन्धी छुट्टै प्रस्ताव पेश गरेका छन् ।

चार दिनसम्म चल्ने बैठकमा केन्द्रीय, पूर्ण र वैकल्पिक सदस्य र सल्लाहकारहरुको सहभागिता रहेको नेकपा–माओवादीले जनाएको छ ।

प्रतिकृया दिनुहोस