जनकपुरमा १६ असारमा आयोजित कार्यक्रममा माले समाजवादीका सह–अध्यक्ष एवम् पूर्वमन्त्री यदुवंश झालाई नेकपा एमालेका वरिष्ठ नेता माधव कुमार नेपालले स्वागत गर्दै पार्टी प्रवेश गराएका छन् ।

यदुवंश झा पहिले पनि एमालेका पोलिटब्यूरो सदस्य रहिसकेका व्यक्ति हुन् । २०६० मा एमाले परित्याग गरी मालेमा पुगेका झा गत वर्ष बाबुराम भट्टराईको नेतृत्वमा सरकार गठन हु“दा माले फोडेर माले समाजवादी गठन गर्दै वन मन्त्री बन्न पुगेका थिए ।

झाले नेकपा एमालेले धनुषामा क्षति भएको आ“कलन गरेर आफूलाई पार्टीमा ल्याएकोले क्षतिपूर्ति गरेर देखाउने दाबी समेत गरेका छन् ।

एमालेका नेताहरुले धनुषाकै रामचन्द्र झाले पार्टी परित्याग गरे पनि उनको विकल्पको रुपमा यदुवंश झा आएको टिप्पणी गरेका थिए ।

‘निर्वाचन दुई चरणमा’
कार्यक्रमलाई सम्बोधन गर्दै नेकपा एमालेका वरिष्ठ नेता माधब कुमार नेपालले मंसीर ४ का लागि निर्धारित संबिधानसभाको निर्वाचन दुई चरणमा गरिनुपर्ने धारणा व्यक्त गरे ।

“म्यादी प्रहरी भर्ना गरेर एकैपटक गरिने चुनाव निष्पक्ष नहुने भएकोले पहिला पहाडमा र पछि तराईमा गरेर दुई चरणमा सुरक्षकर्मीकै निगरानीमा चुनाब हुनुपर्छ,” नेपालले भने ।

उनले मधेशवादी र माओवादीले जातीय नारा दिएर साम्प्रदायिक सद्भाब बिथोल्ने काम गरेको आरोप लगाउ“दै थपे, “रौतहटको गौर नरसंहारसम्म एक अर्कालाई हेर्नै नसक्ने अवस्था रहेका दुई पक्षबीच बिचित्रको गठबन्धन भएको छ ।”

कार्यक्रममा महासचिब ईश्वर पोखरेलले गलत बिचार लिएर राजनीतिमा आएको माओवादीलाई पराजित नगरेसम्म संबिधान निर्माण नहुने दाबी गरे ।
इश्वरचन्द्र झा, जनकपुर

प्रतिकृया दिनुहोस