रोल्पाको गैरिगाउँमा पहिले माओवादी लडाकुको शिविर रहेको स्थानबाट एक घण्टाको पैदल दुरीमा रहेको थुर्पा जंगलमा ७० थान सकेट बम, बारुद बनाउने गन्धक दुई बोरा र बम बनाउन प्रयोग हुने फलामे पाइप दुई बण्डल भेटिएको रोल्पाका प्रमुख जिल्ला अधिकारी यादव सुवेदीले जानकारी दिएका छन् ।

उक्त बिष्फोटक पदार्थ थुर्पा जंगलको ओढारमा लुकाईएको अवस्थामा भेटिएको सुवेदीले बताए ।

ओढारमा लुकाईएको उक्त बिष्फोटक पदार्थ लडाकु शिविरको सुरक्षार्थ खटिएको सशस्त्र प्रहरीले भेटाएको हो । विष्फोटक पदार्थलाई डिष्पोजको तयारी भैरहेको प्रजिअ सुवेदीले बताए ।

“त्यो पदार्थ पुरानो जस्तो देखिन्छ” प्रजिअ सुवेदीले भने “सशस्त्र युद्धकै समयमा राखिएको हुन सक्छ ।” जिल्ला प्रहरी कार्यालय रोल्पाले उक्त बिष्फोटक पदार्थ बारे अनुसन्धान भैरहेको जनाएको छ ।

गजेन्द्र बोहरा, दाङ

प्रतिकृया दिनुहोस