२० असारमा नेकपा–माओवादीको केन्द्रीय कार्यालय बुद्धनगरमा दुई पार्टीका नेताहरूबीच भएको छलफलमा वार्ताको माध्यमबाट समस्या समाधान गरेर निर्वाचनमा सहभागी हुन कांग्रेसले माओवादीलाई आग्रह गरेको थियो ।

माओवादीले भने २५ बुँदे बाधा अड्काउ फुकाउको खारेज गरेर दलीय सरकार गठन भएपछि मात्रै निर्वाचनमा सहभागी हुने अडान राखेको छ । भेटपछि सञ्चारकर्मीहरूसँग कुरा गर्दै नेपाली कांग्रेसका उपसभापति रामचन्द्र पौडेलले सरकार परिवर्तनको संभावना नरहेको बताए ।

पौडेलले नेकपा–माओवादीले आफ्ना असन्तुष्टिहरू राखेकाले अन्य दलसँग छलफल गरेर माग पूरा गराउन प्रयास गर्ने जानकारी दिए । माओवादीका सचिव देव गुरुङले विघटित संविधानसभाले पूरा नगरेका कामलाई प्राथमिकतामा राखेर अघि बढे मात्रै निर्वाचन संभव हुने बताए ।

बैठकमा उपसभापति पौडेलसहित कांग्रेसका महामन्त्रीद्वय प्रकाशमान सिंह र कृष्ण सिटौला तथा नेता मिनेन्द्र रिजाल सहभागी थिए भने माओवादीको तर्फबाट अध्यक्ष मोहन वैद्य, महासचिव रामबहादुर थापा, सचिवद्वय देव गुरुङ र नेत्रविक्रम चन्द सहभागी थिए ।

प्रतिकृया दिनुहोस