अमेरिकामा स्वास्थ्य परिक्षण गराएर फर्केका कोइरालाले २९ असारमा त्रिभुवन अन्तर्राष्ट्रिय विमानस्थलमा सञ्चारकर्मीसंग कुरा गर्दै नेकपा–माओवादीले भने जस्तो गोलमेच सम्मेलन अहिले आवश्यक नरहेको बताएका हुन । उनले छिमेकी मुलुकहरू पनि निर्वाचनको पक्षमा रहेकाले नेकपा–माओवादी पनि निर्वाचनमा आउने दाबी गरे ।

सभापति कोइरालाले मुलुक कठिन स्थितिबाट गुज्रीरहेको तथा संविधानसभाको निर्वाचन नभए द्धन्द निम्तने चेतावनी दिए । मिति धोषणा भएपछि चुनाव हुनेमा आमजनताको विश्वास बढ्दै गएको उनको भनाई थियो ।

कोइराला जिब्रोको परिक्षण गराउन १३ असारमा अमेरिका गएका थिए । उनको अमेरिकाको न्यूयोर्कको योर्क एभिन्यूस्थित स्रोल्न केटरिङ क्यान्सर रिसर्च सेन्टरमा स्वास्थ्य परिक्षण भएको थियो ।

प्रतिकृया दिनुहोस