पूर्व मन्त्री खपाङ्गीको फाइल तस्वीर ।

काठमाडौंको थापाथलीस्थित नर्भिक अस्पतालमा उपचारत खपाङ्गीलाई थप उपचारका लागि देश बाहिर लैजान करिब रु. ३० लाख आवश्यक परेको उनका ज्वाई चन्द्र थापाले जानकारी दिए । थापाका अनुसार उपचारमा रु. २० लाख खर्च भईसकेको छ ।  सरकारले रु. दुई लाख सहयोग गरेको थियो ।

४७ दिनदेखि नर्भिकका डा. रमेश चोखानी नेतृत्वको चिकित्सक टोलीले उनको उपचार गरिरहेको छ । राजधानीकै अन्नपूर्ण अस्पताल ४२ दिन राखेपछि उनलाई नर्भिक सारिएको थियो । खपाङ्गीलाई १२ बैशाखमा काठमाडौँ पुरानो बसपार्क नजिक बा५१प ७३७३ नं को मोटरसाइकलले ठक्कर दिएको थियो ।

यसैबीच गोरेबहादुर खपाङ्गी मगर उपचार सहयोग समितिले ६ साउनमा पत्रकार सम्मेलन गरेर खपाङ्गीको सम्पूर्ण उपचार खर्च उपलब्ध गराउन सरकारसँग माग गरेको छ । समितिका संयोजक शंकर लिम्बुले नर्भिक अस्पतालबाट पनि उपचारमा सुधार हुन नसकेको बताउँदै सिंगापुर वा भारत नयाँदिल्लीको मेदान्त अस्पतालमा लानुपर्ने स्थिति सिर्जना भएकाले थप रकम जुटाइन दिन सरकारसँग माग गरे ।

प्रतिकृया दिनुहोस