कम्बोडियामा भएको आम निर्वाचनको पर्यवेक्षण गरेर १६ साउनमा स्वदेश फर्केका एमाले नेता केपी ओलीले त्रिभुवन अन्तर्राष्ट्रिय विमानस्थलमा सञ्चारकर्मीहरुसँग कुरा गर्दै निर्वाचनमा भाग लिने र नलिने दुवै अधिकार संविधानले दिएकाले कुनै दल सहभागी नभए पनि सरकारले निर्धारित समयमै निर्वाचन गराउने बताएका छन् ।

सरकार र उच्चस्तरीय राजनीतिक समितिले पटक पटक छलफलका लागि बोलाए पनि नेकपा–माओवादीलगायतका दलहरु विभिन्न बाहनामा निर्वाचनबाट भाग्न खोजेको नेता ओलीले आरोप लगाए ।

उनले मुलुकमा निर्वाचनको वातावरण बनेका बेलामा विभिन्न बाहनामा निर्वाचन विथाल्न खोज्नु लोकतन्त्र विरोधी कार्य हुने भन्दै आफ्नो स्वार्थ पूरा नहु“दैमा जनताको अधिकार कुण्ठित गर्न नहुने बताए ।

कम्बोडियामा गत सोमबार भएको आम निर्वाचनमा ५० प्रतिशत मत खसेको थियो । निर्वाचनमा सत्ता पक्षले ६८ र प्रमुख प्रतिपक्षी दलले ५५ सिट हात पारेको छ ।

संसदीय निर्वाचन प्रक्रियामा बहुमत संख्यामा युवाहरुले चुनावमा भाग लिएका थिएनन् ।

प्रतिकृया दिनुहोस