सोरु भेकका फोतु, नार्थपु, जिमी, कालै, भिईलगायतका गाविसमा बर्सेनि दुईसय क्विन्टल आयोडिनयुक्त नुन सरकारी अनुदानमा छुट्याइए पनि नुन एक परिवारको भागमा दुई किलो मात्रै पर्ने र त्यो पनि सहजै आपूर्ति हुन नसक्दा त्यस क्षेत्रका जनताले अलिनु खाएर दिन गुजारा गर्नुपरेको छ ।

“हाम्रो पीडा कसले सुन्दिने, नुनसमेत दिन नसक्ने सरकारसँग अरू के नै आशा गर्न सकिन्छ,’ सरुकोटका दलपति लोहारले भने । सधैँ अलिनु खाएर कति दिन गुजारा गर्ने भन्ने प्रश्न गर्दै स्थानीय धनराम लोहारले नुनको स्वाद मेटाउन कहिले भोटको तिब्बती क्षेत्र उक्लनु परेको त कहिले मधेश झर्नुपरेको बताए ।

सरकारी अनुदानमा आपूर्ति गरिने आयोडिनयुक्त नुन बाह्रै महिना धान्न मुस्किल भएकाले असोज कात्तिक महिनामा तिब्बती नाकाबाट हुम्ली व्यापारीले ल्याउने ढिके नुनबाट त्यस क्षेत्रका जनताले नुनको स्वाद मेटाउँदै आएका छन् ।

प्रतिकृया दिनुहोस