प्रसौनी– १ का लिला महतो घरमा रहेका स्थानीय जातका कुखुरा मर्न थालेपछि जिल्ला पशु सेवा कार्यालय नवलपरासीले परिक्षणका लागि मरेका कुखुरा पठाउँदा वर्ड फ्लुको पुष्टि भएको हो । १६ साउनमा ल्याव परिक्षणका लागि पठाईएकोमा बर्ड फ्लुको जीवाणु रहेको पुष्टि भएको पशु चिकित्सक उत्तम आचार्यले जानकारी दिए ।

जिल्लामा बर्ड फ्लु देखिएको यो चौथों पटक हो । २०६५ मा देउराली गाविसमा पहिलो पटक बर्ड फ्लु देखिएको थियो । त्यसपछि मुकुन्दपुर र कुमारवर्तीमा २०६९ सालमा बर्ड फ्लु भेटिएको थियो ।

जिल्लामा वर्ड फ्लु नियन्त्रणका लागि उच्च सर्तकता अपनाउने गरी प्रभावित क्षेत्रमा नियन्त्रणको प्रयास थालिएको छ । प्रमुख जिल्ला अधिकारी केशबराज घिमिरेले सुरक्षा र चिकित्सको टोली बनाएर परिचालन गरिएको जानकारी दिए ।

जिल्लामा बर्ड फ्लु देखिएपछि बाहिरी सुरक्षाका लागि सशस्त्र प्रहरी र नेपाल प्रहरीको टोली खटाइएको छ भने चिकित्सक उत्तम अचार्यको नेतृत्वमा बर्डफ्लु नियन्त्रण टोली खटाइएको छ । टोलीले राजधानीबाट आउने पंछीजन्य बस्तुलाई जिल्ला प्रबेशमा रोक लगाउन गैंडाकोटमा प्राबिधिक टोली राख्ने भएको छ । भारतीय सीमा क्षेत्रबाट कुखुराको चल्ला र अण्डा नेपाल भित्रिने भएकाले कडा चेक जाँचका लागि प्रहरी परिचालन गरिएको प्रमुख जिल्ला अधिकारी घिमिरेले बताए ।

विद्रोही गिरी, नवलपरासी

प्रतिकृया दिनुहोस