युवती जिस्काएको बिषयमा भएको विवाद बढदै जाँदा स्थिति नियन्त्रणभन्दा बाहिर पुगेपछि स्थानीय प्रशासनले २५ साउन दिउँसोदेखि सिरहाको सारश्वर गाविसमा लगाएको कर्फ्यु २६ साउन विहानदेखि हटाएको छ ।

२६ साउन बिहान ४ बजेदेखि कर्फ्यु हटाइएको जिल्ला प्रशासन कार्यालय सिरहाले जनाएको छ ।

सिरहास्थित चारश्वरनाथ महादेवको मन्दिरमा दर्शन गर्न आएका धनुषाका बोलबमका दर्शनार्थीहरुलाई दुव्र्यबहार गरेको विषयलाई लिएर भएको तनाव बढदै जाँदा हिंसा र लुटपाटको रुप लिएको थियो ।

विवादपछि तोडफोडमा उत्रिएका २५ जनालाई अनुसन्धानका लागि केही दिन हिरासत राखिने प्रहरीले जनाएको छ ।

———————————————————————————————————————

सिरहाको सारश्वरमा कर्फ्यु

सिरहाको सरश्वर गाविसमा दुईपक्ष बीच विहानैदेखि भएको भिडन्त नियन्त्रणभन्दा बाहिर गएपछि स्थानीय प्रशासनले दिउँसो पौने तीन बजेदेखि कर्फ्यु आदेश जारी गरेको छ ।

हिमालखबर
शुक्रबार , २५ साउन २०७० ३:५० पम

सिरहास्थित चारश्वरनाथ महादेव मन्दिरमा जल चढाउन आएका बोलबम भक्तहरुलाई दुब्र्यवहार गरिएको निहुँमा दुई पक्षबीच झडप भएको थियो । २५ साउन दिउँसोसम्ममा उक्त झडपले लुटपाट र उग्र हिंसाको रुप लिन थालेपछि कर्फ्यु लगाइएको सिराहाका एसपी पूर्ण चन्द्र जोशीले जानकारी दिए ।

२५ साउन विहानैदेखि सिरहाका अन्य गाउँ र छिमेकी जिल्ला धनुषाबाट समेत दुवै पक्षका व्यक्तिहरु आएर एकआपसमा आक्रमण शुरु गरेपछि स्थिति नियन्त्रणभन्दा बाहिर पुगेको हो ।

घटनास्थल ठूलो संख्यामा सशस्त्र र नेपाल प्रहरी परिचालन भए पनि आक्रमण विभिन्न गाउँहरुमा छरिएर भइरहेकोले नियन्त्रण गर्न नसकिएको प्रहरीको भनाई छ । अहिलेसम्म कुनै हताहतीको खबर नआएको प्रहरीले जनाएको छ ।

घटनाको छानविनका लागि सहायक प्रमुख जिल्ला अधिकारी दुर्गानाथ गौतमको संयोजकत्वमा समिति समेत गठन भएको छ ।

प्रतिकृया दिनुहोस