हेटौँडामा २७ साउनमा पत्रकार सम्मेलन गरी प्रहरीले नेपाल न्यायिक दलका केन्द्रीय कोषाध्यक्ष नवराज गौतमले दुई लाखदेखि १० लाख रुपैँयासम्म माग्ने गरेको नदिए भौतिक कार्वाही गर्ने धम्की दिने गरेको प्रहरीले वताएको छ ।

प्रहरीका अनुसार गौतमले विभिन्न नम्बरका मोबाइल फोनबाट २० बैशाखदेखि व्यबसायीलाई धम्क्याउँदै आएका थिए । उनको साथबाट प्रहरीले ‘नेपाल न्यायिक दल’ र ‘नेपाल पिपुल्स आर्मी’ को एक–एक थान लेटर प्याड, स्ट्याम्प, सहयोग रसिद दुई थान, मोबाईल तीन थान, सिम र पेनड्राईभ चार–चार थान बरामद गरेको प्रहरी नायब उपरीक्षक मुकुन्द मरासिनीले जानकारी दिए ।

हेटौँडाका २० जना उद्योगी, व्यबसायीलाई गौतमले रकम बुझाउन भन्दै पटक–पटक धम्की दिएको कल डिटेलबाट पत्ता लागेको प्रहरीको भनाई छ ।

प्रमुख जिल्ला अधिकारी एकनारायण अर्यालले व्यबसायीबाट दश दिनअघि प्राप्त मौखिक उजुरीका आधारमा पक्राउ गर्न सफल भएको जानकारी दिए । उनका अनुसार गौतमलाई सार्वजनिक अपराध ऐन अनुसार तत्काल कार्बाही प्रकृया अघि बढाईने छ ।

गौतमलाई उनकै घर मकवानपुरको आमभञ्ज्याङ्ग–८ बाट २६ साउनमा पक्राउ गरिएको थियो ।

अशोकसुजन श्रेष्ठ, हेटौंडा

प्रतिकृया दिनुहोस